16-noyabr kuni Qozog‘istonning Chimkent shahrida bo‘lib o‘tgan o‘zbek-qozoq mintaqalararo hamkorlik forumi doirasida ikki mamlakat rasmiylari vizalarni tan olish bo‘yicha shartnomani imzoladi. Bu haqda Qozog‘iston bosh vazirining matbuot xizmati ma’lum qildi, deya xabar beradi “Turon 24”.
Umumiy vizalarning tan olinishi Qozog‘iston va O‘zbekistonga tashrif buyuradigan turistlarga ikki mamlakat hududida qiyinchiliksiz harakatlana olish imkonini beradi.
Forum ishtirokchilari o‘zbek-qozoq qo‘shma sayyohlik yo‘nalishlarini rivojlantirishda havo, temir yo‘l va avtotransportni qaytadan o‘rnatishni, shuningdek, yo‘llarni ta’mirlashni rejalashtirmoqda.
Ekspertlarning fikriga ko‘ra, yaqin kelajakda Qirg‘iziston va Tojikiston ham umumiy vizalar almashinuviga qo‘shilishi mumkin.
Forum yakunida tomonlar birgalikda loyihalarni amalga oshirish bo‘yicha umumiy 16ta hujjatni imzoladi.
Izoh (0)