Avstraliyaning Melburn shahridagi do‘konlardan sotib olingan noklardan tikuv ignalari topildi, deb yozadi “TASS” ABC telekompaniyasiga tayanib.
Topilma haqida Viktoriya shtati politsiyasiga ABC xodimasi Kler Bonser ma’lum qilgan, u nok ichidagi ignani nonushta qilish vaqtida ko‘rib qolgan.
“Men hech qanday shikastlanish olmadim, shunchaki nok yeyayotganimda, mevaning ichida igna yaltirab turganini ko‘rib qoldim”, — dedi ayol.
Igna sanchilgan noklarning ikkinchi o‘rami Siforddagi Woolworths supermarketlar tarmog‘i xodimlari tomonidan topilgan.
Viktoriya shtati politsiyasi mevalardan igna topilishi bilan bog‘liq yangi holatlar yuzasidan tekshiruv boshladi.
Avvalroq Avstraliyada mahalliy do‘konlarda sotilgan qulupnaylar ichiga tikuv mashinasi ignasini yashirishda gumon qilinayotgan 50 yoshli Mi Ut Trinx qo‘lga olingan edi.
Bundan avval sentabr oyidan avstraliyaliklar qulupnaylar ichiga yashiringan tikuv mashinasi ignalarini topa boshlagani haqida xabar berilgan edi.
Izoh (0)