Angliya terma jamoasi hamda “Chelsi” klubi sobiq yarim himoyachisi Jo Koul futbolchilik faoliyatini yakunladi. Bu haqda Sky Sports nashri xabar berdi.
37 yoshli futbolchi so‘nggi mavsumlarda Shimoliy Amerikaning nufuzi jihatidan ikkinchi o‘rinda turadigan divizionidagi “Tampa-Bey Roudis” klubida to‘p surdi.
Ma’lumot uchun, Jo Koul “Vest Hem”, “Chelsi”, “Liverpul” va “Aston Villa” kabi klublar safida o‘ynagan. U uch marta Angliya chempioni bo‘lgan. Shunigndek, Angliya Kubogini uch bor qo‘lga kiritgan.
Angliya terma jamoasi safida esa 56 ta o‘yin o‘tkazib, 10 ta gol urgan. Uch martadan Jahon va Yevropa chempionatida ishtirok etgan.
Izoh (0)