Navoiy viloyatining Zarafshon shahrida 164 ta bo‘sh turgan bino, qurilishi tugallanmagan obyekt va foydalanilmayotgan yer maydoni mavjud. Mazkur obyektlarga hozirga qadar investitsion loyihalar jalb etilmagan. Bu haqda 6-noyabr kuni shahar hokimligida o‘tkazilgan navbatdan tashqari 35-sessiyada ma’lum qilindi, deya xabar beradi “Turon 24”.
Zarafshondagi bo‘sh turgan ushbu inshootlarning 31 tasi davlat mulki, 31 tasi davlat tasarrufidan chiqarilgan va xususiylashtirilgan, 102 tasi xususiy obyekt ekani aniqlandi.
Hozirda tegishli davlat organlari kadastr hujjatlari mavjud bo‘lmagan egasiz obyektlarning qurilish hamda shaharsozlik qoidalariga qay darajada javob berishi to‘g‘risidagi xulosalarni yig‘moqda. Ularga asosan obyektlarni buzish yoki shahar hokimligi balansiga olib, ishga tushirish bo‘yicha choralar ko‘riladi.
Izoh (0)