Surxondaryo viloyatining Sho‘rchi tumanidagi Go‘zallik mahallasida yashovchi 33 yoshli fuqaro uyidagi sandiqda saqlab kelayotgan 26 million 900 ming so‘m pul va 500 dollar g‘oyib bo‘ldi. Bu haqda O‘zA xabar bermoqda.
Tushlikka yaqin u uy eshigini ochiq tashlab, ko‘chaga chiqib ketadi. Qaytib kelganida sandiq og‘zi ochilib qolgani, u yerda pullar yo‘qligiga ko‘zi tushadi. Jamg‘arib kelayotgan mablag‘i yo‘qolganiga ishonch hosil qilgach, ichki ishlar idorasiga murojaat etdi.
Zudlik bilan olib borilgan qidiruv ishlari natijasida mazkur o‘g‘rilikni shu mahallada yashovchi 32 yoshli ayol sodir etganligi aniqlanib, undan ashyoviy dalil olindi.
Ayni paytda unga nisbatan jinoyat ishi qo‘zg‘atilib, tergov harakatlari olib borilmoqda.
Izoh (0)