Gretsiya bosh vaziri Aleksis Sipras va Yunon pravoslav cherkovi bosh ruhoniysi Ieronim 10 mingga yaqin ruhoniy va yordamchi xodimlar davlatdan maosh olmasligi yuzasidan dastlabki kelishuvga keldi. Bu haqda “Korrespondent.net” xabar bermoqda.
Mavjud ish haqi tizimida ruhoniylarga barcha davlat xizmatchilari qatorida bevosita davlat budjetidan maosh to‘lanar, bunga yiliga 200 million yevro atrofida mablag‘ sarflanar edi.
Erishilgan kelishuv davlat kelgusida ruhoniylarga haq to‘lash uchun cherkovning maxsus fondiga har yili subsiyadalar yo‘naltirishini ko‘zda tutadi. Endi ruhoniylar davlat xizmatchisi sanalmaydi, ularga maosh esa cherkov tomonidan ushbu fond orqali taqsimlanadi.
Izoh (0)