Surxondaryo viloyatining Angor tumanida 1-noyabrga o‘tar kechasi noma’lum shaxs “Dehqon birlashuv” mahallasida yashovchi J.A.ni hovlisidagi molxonadan bir bosh qoramolni o‘g‘irlab ketgan.
“Ko‘rilgan choralar natijasida ushbu jinoyatni Termiz tumanida yashovchi, muqaddam sudlangan U.T. sodir etganligi aniqlanib, ushlangan”, — deyiladi IIV axborotida.
Shuningdek, 20-oktabr kuni Jizzax viloyatining Zafarobod tumanida noma’lum shaxs “Barlos” mahallasida yashovchi Q.S.ning hovlisidagi molxonadan ikki bosh qoramolni o‘g‘irlab ketgan.
Ko‘rilgan choralar natijasida ushbu jinoyatni Namangan viloyati Mingbuloq tumanida yashovchi, muqaddam sudlangan Q.A. sodir etganligi aniqlanib, ushlangan.
“Ikki holat yuzasidan ham jinoyat ishi qo‘zg‘atilib, tergov harakatlari olib borilmoqda”, — deb xabar bermoqda IIV Jamoatchilik va ommaviy axborot vositalari bilan aloqalar boshqarmasi.
Izoh (0)