Braziliyada prezidentlikka saylangan Jair Bolsonaru mamlakatning Isroildagi elchixonasini Tel-Avivdan Quddusga ko‘chirishni rejalashtirayotganligini ma’lum qildi. Bu haqda u Twitter’dagi sahifasida ma’lum qildi, deb yozadi Meduza.
Bunga javoban Isroil bosh vaziri Binyamin Netanyaxu Bolsonaruni mazkur “tarixiy, to‘g‘ri va ajoyib qaror” bilan tabrikladi.
Isroil Quddusni o‘zining yagona va bo‘linmas poytaxti deb hisoblaydi. Falastin ma’muriyati esa Sharqiy Quddus bo‘lajak arab davlatiga tegishli bo‘lishi lozimligini ta’kidlaydi.
Braziliya AQSh va Gvatemaladan so‘ng o‘z elchixonasini Tel-Avivdan Quddusga ko‘chirgan uchinchi mamlakat bo‘ladi.
Izoh (0)