Bugun, 1-noyabr sanasida futbol bo‘yicha O‘zbekiston Superligasining 28-turi doirasida yana uchta o‘yin bo‘lib o‘tdi.
Chempionlik uchun kurashayotgan “Paxtakor” o‘z maydonida Namanganning “Navbahor” jamoasini qabul qilib, 0:0 hisobida durang o‘ynadi.
Yuqori oltilikda borayotgan “Buxoro” Toshkentning “Bunyodkor” jamoasini o‘z maydonida qabul qilib, 0:2 hisobida mag‘lub bo‘ldi. Uchrashuvda hisob 90-daqiqada Filip Rayevats tomonidan ochilgan bo‘lsa, ikkinchi bo‘limga qo‘shib berilgan daqiqalarda Mirjahon Mirahmadov mehmonlarning ikkinchi goliga mualliflik qildi.
Qarshida “Nasaf” xuddi o‘zi singari Superligada jon saqlash uchun kurashayotgan “Qo‘qon-1912” jamoasini qabul qilib, 1:1 hisobida durang qayd etdi. O‘yinda hisobni 22-daqiqada Bobir Abdiholiqov ochgan bo‘lsa, 50-daqiqada Javohir Siddiqov hisobni tenglashtirdi. Mazkur hisob o‘yin oxirigacha o‘zgarmay qoldi.
Yuqori oltilikdagi holat
Quyi oltilikdagi holat
Pepsi Superliga
28-tur bellashuvlari
1-noyabr, payshanba
Izoh (0)