Bugun, 20-oktabr sanasida Ispaniya La Ligasi 9-tur uchrashuvlari davom ettirilmoqda.
Kecha oqshomda turning ilk o‘yinida “Selta” o‘z maydonida “Alaves”ni qabul qilib, 0:1 hisobida mag‘lub bo‘ldi. Mazkur g‘alaba “Alaves”ni musobaqa peshqadamiga aylantirdi.
Hozirgina “Real Madrid” kunning ilk o‘yinida “Levante”ni qabul qilib, 1:2 hisobida mag‘lub bo‘ldi. Avvaliga mehmonlar vakili Morales hamda Marti gol urib, “Levante”ni 0:2 hisobida oldinga olib chiqqan bo‘lsa, “Real”ning o‘yindagi yagona golini 72-daqiqada braziliyalik Marselo kiritdi. Shu tariqa “Real” navbatdagi mag‘lubiyatni qabul qilib oldi.
Moralesning goli
Martining goli
Marseloning goli
“Vilyarreal” esa “Atletiko Madrid”ga qarshi kurash olib boradi. Bellashuv 21:30 da boshlanadi.
Turning markaziy o‘yinida “Barselona” “Kamp Nou”da “Sevilya” bilan kuch sinashadi. O‘yin 23:45 da boshlanishi belgilangan.
La Liga
9-tur bellashuvlari
19-oktabr, juma
“Selta”— “Alaves” 0:1
Gol: 0:1—58 Pina.20-oktabr, shanba
“Real Madrid”—“Levante” 1:2
Gollar: 0:1 – 6 Morales, 0:2 – 13, penalti Marti, 1:2 – 72 Marselo.“Real Madrid”: Kurtua, Varan, Marselo, Odriosola (Beyl, 46), Ramos, Isko (Benzema, 60), Kazemiro, Vaskes, Modrich, Asensio (Sebalos, 60), Dias.
“Levante”: Olasabal, Postigo (Rodriges, 75), Rober, Tono, Kabako, Morales, Rochina (Dukure, 67), Bardi, Kampanya, Jeyson, Marti (Boateng, 79).
Ogohlantirishlar: Kabako (53), Jeyson (89).
Izoh (0)