Facebook kompaniyasi saylovlarga aralashish va yolg‘on axborot tarqatishga qarshi kurashadigan maxsus jamoa punkti tuzilganini ma’lum qildi. Bu haqda “RIA Novosti” xabar berdi.
Kompaniya tomonidan ma’lum qilinishicha, sentabr oyida Braziliya va AQShdagi saylovlardan oldin Kaliforniyaning Menlo-Park shahrida operativ punkt ochilgan. Bundan ko‘zlangan maqsad bu masala bilan shug‘ullanadigan ekspertlarni ularning potensial muammolarga real vaqt rejimida munosabat bildirishi va ularni hal qilishi uchun bir joyga yig‘ish hisoblanadi.
Ta’kidlanishicha, yangi bo‘limda tadqiqotlar o‘tkazish, dasturlash, xavfsizlikka tahdidlar tahlili va ma’lumotlarni tahlil qilish sohalaridagi 20 nafar ekspert ishlaydi. Ular real vaqt rejimida saylovga taalluqli bo‘lgan xabarlarni, xususan, ovoz berishga to‘sqinlik, spamlarning ko‘payishi, ehtimoliy xorijiy aralashuv yoki siyosatning buzilishi haqidagi xabarlarni kuzatib borishi mumkin.
Izoh (0)