Facebook компанияси сайловларга аралашиш ва ёлғон ахборот тарқатишга қарши курашадиган махсус жамоа пункти тузилганини маълум қилди. Бу ҳақда «РИА Новости» хабар берди.
Компания томонидан маълум қилинишича, сентябрь ойида Бразилия ва АҚШдаги сайловлардан олдин Калифорниянинг Менло-Парк шаҳрида оператив пункт очилган. Бундан кўзланган мақсад бу масала билан шуғулланадиган экспертларни уларнинг потенциал муаммоларга реал вақт режимида муносабат билдириши ва уларни ҳал қилиши учун бир жойга йиғиш ҳисобланади.
Таъкидланишича, янги бўлимда тадқиқотлар ўтказиш, дастурлаш, хавфсизликка таҳдидлар таҳлили ва маълумотларни таҳлил қилиш соҳаларидаги 20 нафар эксперт ишлайди. Улар реал вақт режимида сайловга тааллуқли бўлган хабарларни, хусусан, овоз беришга тўсқинлик, спамларнинг кўпайиши, эҳтимолий хорижий аралашув ёки сиёсатнинг бузилиши ҳақидаги хабарларни кузатиб бориши мумкин.
Изоҳ (0)