O‘zbekiston UNЕSCO yangi fondiga hissa qo‘shgan ilk donor bo‘ldi. Bu haqda “Podrobno.uz” xabar bermoqda.
Mamlakat hukumati xalqaro tashkilotning nomaqsadli ixtiyoriy badallar maxsus hisob raqamiga 120 ming dollar taqdim etdi. Mazkur mexanizm UNЕSCO kotibiyatiga moliyalashtirish oqsayotgan dasturlarga mablag‘ yo‘naltirish va yuzaga kelayotgan ehtiyojlarga tezkorlik bilan munosabat bildirish imkonini beradi.
Bu boradagi tegishli kelishuv tashkilotning strategik rejalashtirish byurosi direktori Jan-Iv Le So va O‘zbekistonning UNЕSCO’dagi doimiy vakilligi o‘rtasida imzolandi. Mazkur mutasaddi qo‘llab-quvvatlash va ishonch, shuningdek, yangi fondga ilk donor bo‘lib namuna ko‘rsatgani uchun O‘zbekistonga tashkilot nomidan minnatdorlik bildirdi.
Izoh (0)