Ўзбекистон UNЕSCO янги фондига ҳисса қўшган илк донор бўлди. Бу ҳақда «Podrobno.uz» хабар бермоқда.
Мамлакат ҳукумати халқаро ташкилотнинг номақсадли ихтиёрий бадаллар махсус ҳисоб рақамига 120 минг доллар тақдим этди. Мазкур механизм UNЕSCO котибиятига молиялаштириш оқсаётган дастурларга маблағ йўналтириш ва юзага келаётган эҳтиёжларга тезкорлик билан муносабат билдириш имконини беради.
Бу борадаги тегишли келишув ташкилотнинг стратегик режалаштириш бюроси директори Жан-Ив Ле Со ва Ўзбекистоннинг UNЕSCO’даги доимий вакиллиги ўртасида имзоланди. Мазкур мутасадди қўллаб-қувватлаш ва ишонч, шунингдек, янги фондга илк донор бўлиб намуна кўрсатгани учун Ўзбекистонга ташкилот номидан миннатдорлик билдирди.
Изоҳ (0)