O‘zbekiston Tashqi ishlar vaziri Abdulaziz Komilov Instagram’dagi sahifasiga afg‘onistonlik muxolifatchi siyosatchi Gulbiddin Hikmatyor bilan 2018-yil iyulida Kobulda bo‘lib o‘tgan uchrashuvi suratini joyladi.
“19 yildan so‘ng. Sobiq dala qo‘mondoni, Afg‘oniston bosh vaziri (1993—1994-yillar, 1996-yil) Gulbiddin Hikmatyor bilan. 2018-yil iyul. Shaxsiy arxivdan”, — deyiladi surat izohida.
Abdulaziz Komilov, shuningdek,“ Tolibon” tashqi ishlar vaziri Mulla Mutavakil bilan tushgan, shaxsiy arxivdagi surati bilan ham bo‘lishdi.
“Afg‘oniston: tinchlik sari mashaqqatli yo‘l. ‘Tolibon’ harakati rahbari Mulla Umarning tashqi ishlar vaziri Mulla Mutavakil bilan. Qandahor, 1999-yil. Shaxsiy arxivdan”, — deya uni izohladi.
Abdulaziz Komilovning ushbu suratlari O‘zbekiston yillar davomida Afg‘onistonda tinchlik o‘rnatish bo‘yicha harakatda ekanligining yana bir dalilidir.
Shavkat Mirziyoyevning tashabbusi bilan Afg‘oniston bilan hamkorlikda joriy yilning 26—27-mart kunlari Toshkent shahrida “Tinchlik jarayoni, xavfsizlik sohasida hamkorlik va mintaqaviy sheriklik” mavzuida Afg‘oniston bo‘yicha yuqori darajadagi Toshkent xalqaro konferensiyasi o‘tkazilgan edi.
Izoh (0)