Joriy yilning 6—18-oktabr kunlari Buenos-Ayresda III yozgi o‘smirlar Olimpiya o‘yinlari bo‘lib o‘tadi. Milliy olimpiya qo‘mitasi matbuot xizmati III yozgi o‘smirlar Olimpiya o‘yinlari haqidagi qiziqarli ma’lumotlarni taqdim etdi.
- Ushbu Olimpiya o‘yinlari davomida ilk marotaba Xalqaro olimpiya qo‘mitasi tomonidan xalqaro forum tashkil qilindi.
- Musobaqalarda 206 mamlakatdan 3926 nafar sportchi ishtirok etadi.
- 32 sport turida medallar o‘ynaladi.
- Ilk marotaba o‘smirlar Olimpiadasida o‘g‘il bolalar va qizlar sonida mutanosiblik yuzaga kelgan (1963 nafardan).
- O‘yinlar dasturiga breyk-dans, karate, cho‘qqiga chiqish, rolikli sport, sohil gandboli va futzal ilk marotaba kiritildi.
- Musobaqada O‘zbekiston sharafini 37 nafar sportchi himoya qilmoqda. Qayd etish lozim, bu o‘zbekistonliklar uchun o‘smirlar Olimpiadasidagi rekord hisoblanadi. 2010-yili Singapurdagi Olimpiya o‘yinlarida esa 21 ta litsenziyaga ega chiqqan bo‘lishsa, 2014-yilgi Nankin Olimpiadasida O‘zbekiston sharafini 28 nafar sportchi himoya qilgan.
- O‘zbekistonlik sportchilar 16 sport turida bahslarda ishtirok etadi.
- O‘zbekiston terma jamoasining eng yosh sportchisi Indira O‘lmasova (sport gimnastikasi) hisoblanadi. Ayni paytda u 14 yoshda.
Izoh (0)