Жорий йилнинг 6—18 октябрь кунлари Буэнос-Айресда III ёзги ўсмирлар Олимпия ўйинлари бўлиб ўтади. Миллий олимпия қўмитаси матбуот хизмати III ёзги ўсмирлар Олимпия ўйинлари ҳақидаги қизиқарли маълумотларни тақдим этди.
- Ушбу Олимпия ўйинлари давомида илк маротаба Халқаро олимпия қўмитаси томонидан халқаро форум ташкил қилинди.
- Мусобақаларда 206 мамлакатдан 3926 нафар спортчи иштирок этади.
- 32 спорт турида медаллар ўйналади.
- Илк маротаба ўсмирлар Олимпиадасида ўғил болалар ва қизлар сонида мутаносиблик юзага келган (1963 нафардан).
- Ўйинлар дастурига брейк-данс, карате, чўққига чиқиш, роликли спорт, соҳил гандболи ва футзал илк маротаба киритилди.
- Мусобақада Ўзбекистон шарафини 37 нафар спортчи ҳимоя қилмоқда. Қайд этиш лозим, бу ўзбекистонликлар учун ўсмирлар Олимпиадасидаги рекорд ҳисобланади. 2010 йили Сингапурдаги Олимпия ўйинларида эса 21 та лицензияга эга чиққан бўлишса, 2014 йилги Нанкин Олимпиадасида Ўзбекистон шарафини 28 нафар спортчи ҳимоя қилган.
- Ўзбекистонлик спортчилар 16 спорт турида баҳсларда иштирок этади.
- Ўзбекистон терма жамоасининг энг ёш спортчиси Индира Ўлмасова (спорт гимнастикаси) ҳисобланади. Айни пайтда у 14 ёшда.
Изоҳ (0)