AQSh kompaniyasi Toshkentning investitsion jozibadorligini targ‘ib etishga ko‘mak beradi

Toshkent shahar hokimligida AQShning Oppenheimer kompaniyasi vakillari bilan uchrashuv bo‘lib o‘tdi. Bu haqda hokimlik matbuot xizmati ma’lum qildi.

Unda poytaxt hududida innovatsion loyihalarni amalga oshirish, o‘zaro hamkorlikni har tomonlama rivojlantirish masalalari muhokama etildi.

Oppenheimer kompaniyasi vakili Toshkentning investitsion jozibadorligini jahonda keng targ‘ib etishda ko‘mak berishini ta’kidladi. Xorijiy investorlarni jalb qilish uchun poytaxtning jahon moliyaviy reytingida munosib o‘rin egallashi borasida amaliy hamkorlik qilish ko‘zda tutilmoqda.

Ma’lumot uchun, Oppenheimer kompaniyasi Amerika, Yevropa va Osiyo qit’alarida o‘zining dilerlik markazlariga ega bo‘lib, innovatsion loyihalarni amalga oshirish va biznes maslahatlar berish bilan shug‘ullanadi.