O‘zbekistonlik iste’molchilar gaz uchun mavjud bo‘lmagan qarzlar bo‘yniga qo‘yilayotganidan shikoyat qildi

O‘zbekistonda gaz xizmatlari mavjud bo‘lmagan qarzlarni iste’molchilar bo‘yniga qo‘ymoqda, deyiladi “Potrebitel.uz” Telegram-kanalida.

Ma’lum bo‘lishicha, Facebook’dagi “Potrebitel.uz” guruhida bir necha kishi ularga Majburiy ijro byurosidan bir necha yuz ming so‘mlik qarzdorliklar haqida bildirishnoma kelganini aytgan. Ammo ular gaz uchun to‘lovni oldindan amalga oshirib qo‘ygan.

Bunday vaziyatni avvalroq boshidan o‘tkazgan foydalanuvchilarning so‘zlariga ko‘ra, MIBning chaqiriq qog‘ozlarini e’tiborsiz qoldirish kerak emas, aks holda MIB sudga oshiradi, shunda bu qarzlardan tashqari, boshqa xarajatlarni ham to‘lashga to‘g‘ri keladi. Agar sudning qo‘lida qaror bo‘lsa, sizdan undirib olinadi.

Shu sababli, borib, qarzlaringiz yo‘qligini isbotlab berishingiz kerak, deyiladi xabarda.