Skotland-Yardning zo‘ravonlik jinoyatlariga qarshi kurash bo‘yicha maxsus bo‘limi faoliyatining dastlabki yarim yili davomida politsiyachilar Londonda 1361 kishini qo‘lga oldi. Bu haqda “RIA Novosti” xabar berdi.
150 nafar xodimdan iborat bo‘lim faqat London ko‘chalaridagi zo‘ravonlik jinoyatlariga qarshi kurash olib boradi. Bunda ular jinoyatchilarni aniqlash, ta’qib qilish va qo‘lga olish bo‘yicha qonun tomonidan yo‘l qo‘yiladigan bir qator usullarni qo‘llaydi.
Bo‘lim o‘z faoliyatini boshlaganidan buyon xodimlar 1361 kishini qo‘lga olgan, 40 ta o‘qotar qurol, 340 ta pichoq va 258 ta hujum qilish uchun mo‘ljallangan qurolni musodara qilgan.
Ayni paytda bo‘lim ishiga qo‘shimcha 122 nafar xodim jalb qilingan.
Izoh (0)