Скотланд-Ярднинг зўравонлик жиноятларига қарши кураш бўйича махсус бўлими фаолиятининг дастлабки ярим йили давомида полициячилар Лондонда 1361 кишини қўлга олди. Бу ҳақда «РИА Новости» хабар берди.
150 нафар ходимдан иборат бўлим фақат Лондон кўчаларидаги зўравонлик жиноятларига қарши кураш олиб боради. Бунда улар жиноятчиларни аниқлаш, таъқиб қилиш ва қўлга олиш бўйича қонун томонидан йўл қўйиладиган бир қатор усулларни қўллайди.
Бўлим ўз фаолиятини бошлаганидан буён ходимлар 1361 кишини қўлга олган, 40 та ўқотар қурол, 340 та пичоқ ва 258 та ҳужум қилиш учун мўлжалланган қуролни мусодара қилган.
Айни пайтда бўлим ишига қўшимча 122 нафар ходим жалб қилинган.
Изоҳ (0)