Tennis bo‘yicha erkaklar o‘rtasidagi norasmiy Jahon chempionati hisoblanadigan Devis Kubogi bahslari keyingi yildan yangicha formatda o‘tkaziladi. Yangi formatga ko‘ra, saralash bosqichida 24 ta terma jamoa 12 juftlikda ishtirok etadi, deb xabar beradi MOQ matbuot xizmati.
Bahslarda O‘zbekiston terma jamoasi ham qatnashadi. Musobaqaning saralash bahslariga qur’a tashlandi. Unga ko‘ra, o‘zbekistonlik tennischilar 2019-yilning fevral oyida Serbiya terma jamoasiga qarshi o‘yin o‘tkazadigan bo‘ldi. Qayd etish lozim, Serbiya terma jamoasi safida jahonning sobiq birinchi raketkasi, taniqli Novak Jokovich ham kortga chiqishi mumkin.
To‘qnashuv g‘olibi turnirning asosiy bosqichida ishtirok etish huquqini qo‘lga kiritadi. O‘yinlar 2019-yilning 1—2-fevral kunlari bo‘lib o‘tadi.
Izoh (0)