O‘zbekiston Oliy Majlisi Senati 27-sentabr kuni “Parij bitimini (Parij, 2015-yil 12-dekabr) ratifikatsiya qilish to‘g‘risida”gi qonunni tasdiqladi, deb yozadi “Gazeta.uz”.
O‘zbekiston BMTning iqlim o‘zgarishi bo‘yicha Parij bitimiga 2017-yil aprelida qo‘shilgan edi.
Senatorlar fikricha, bitim BMTga a’zo davlatlar uchun havoga chiqariladigan ajratmalarni kamaytirish va iqlim o‘zgarishiga nisbatan barqarorlikni mustahkamlash imkonini beradi.
Parij bitimi iqlim o‘zgarishi 2020-yildan atmosferada bug’xona gazlari miqdorini kamaytirish yuzasidan chora-tadbirlarni tartibga solish bo‘yicha Birlashgan Millatlar Tashkilotining dastlabki konvensiyasi doirasida qabul qilingan hujjat hisoblanadi. Mazkur bitim 2015-yil 12-dekabrda Parijda bo‘lib o‘tgan Iqlim bo‘yicha konferensiyasi chog‘ida Kioto protokolining rivoji sifatida qabul qilingan. Bitimdan ko‘zlangan maqsad BMTning iqlim o‘zgarishi bo‘yicha dastlabki konvensiyasi “hayotga tadbiq etilishini faollashtirish”, xususan, haroratning global o‘sishini Selsiy shkalasi bo‘yicha o‘rtacha 2 darajadan past holatda ushlab turish va harorat o‘sishi 1,5 darajada cheklanishi uchun sa’y-harakatlarni ishga solish bilan izohlanadi.
Izoh (0)