Ўзбекистон Олий Мажлиси Сенати 27 сентябрь куни «Париж битимини (Париж, 2015 йил 12 декабрь) ратификация қилиш тўғрисида»ги қонунни тасдиқлади, деб ёзади «Газета.uz».
Ўзбекистон БМТнинг иқлим ўзгариши бўйича Париж битимига 2017 йил апрелида қўшилган эди.
Сенаторлар фикрича, битим БМТга аъзо давлатлар учун ҳавога чиқариладиган ажратмаларни камайтириш ва иқлим ўзгаришига нисбатан барқарорликни мустаҳкамлаш имконини беради.
Париж битими иқлим ўзгариши 2020 йилдан атмосферада буғхона газлари миқдорини камайтириш юзасидан чора-тадбирларни тартибга солиш бўйича Бирлашган Миллатлар Ташкилотининг дастлабки конвенцияси доирасида қабул қилинган ҳужжат ҳисобланади. Мазкур битим 2015 йил 12 декабрда Парижда бўлиб ўтган Иқлим бўйича конференцияси чоғида Киото протоколининг ривожи сифатида қабул қилинган. Битимдан кўзланган мақсад БМТнинг иқлим ўзгариши бўйича дастлабки конвенцияси «ҳаётга тадбиқ этилишини фаоллаштириш», хусусан, ҳароратнинг глобал ўсишини Цельсий шкаласи бўйича ўртача 2 даражадан паст ҳолатда ушлаб туриш ва ҳарорат ўсиши 1,5 даражада чекланиши учун саъй-ҳаракатларни ишга солиш билан изоҳланади.
Изоҳ (0)