Ajiniyoz nomidagi Nukus davlat pedagogika instituti 2019-yil uchun Jurnalistika ixtisosligi bo‘yicha tayanch doktorantura (PhD)ga o‘qishga qabul qilishni e’lon qildi. Bu haqda O‘zA xabar berdi.
Institutda avval to‘rtta ixtisoslik bo‘yicha tayanch doktorantlari tayyorlanadigan bo‘lsa, endi o‘nta ixtisoslik bo‘yicha talabalar doktorantura (PhD)ga qabul qilinadi. Institutdagi ilmiy talabdan kelib chiqib, Qoraqalpog‘istonda ilk bor Jurnalistika ixtisosligi bo‘yicha ham doktorantlar tayyorlanadigan bo‘ldi.
Hujjatlar joriy yil 15-sentabr — 16-oktabr oralig‘ida qabul qilinadi.
Qoraqalpog‘istonda Jurnalistika bo‘yicha bakalavr va magistr mutaxassislar faqat Qoraqalpoq davlat universitetida tayyorlanadi. Joriy o‘quv yilidan boshlab, ushbu universitetda Jurnalistika bo‘yicha qabul kvotalar soni oshirildi va sirtqi bo‘lim ochildi. Talabalar o‘zbek va qoraqalpoq guruhlarida ta’lim ola boshladi.
Izoh (0)