Oliy va o‘rta maxsus ta’lim vaziri Inom Majidov Latviya axborot tizimlari menejmenti oliy maktabi prezidenti, professor Roman Dyakon va Latviya madaniyat kolleji direktori Sandra Plotta bilan uchrashdi. Bu haqda vazirlik axborot xizmati ma’lum qildi.
Uchrashuvda O‘zbekiston va Latviya o‘rtasida oliy ta’lim sohasida hamkorlikni yo‘lga qo‘yish va rivojlantirish, yuqori malakali kadrlar tayyorlash, turizm va mehmonxona xo‘jaligi yo‘nalishida ilmiy-tadqiqotlar olib borish, turizm sohasida ta’lim va ilm-fan integratsiyasini ta’minlash, oliy ta’lim tizimida xalqaro aloqalarni yanada mustahkamlash masalalari muhokama qilindi.
Mehmonlar O‘zbekistonda oliy ta’lim sohasida amalga oshirilayotgan keng ko‘lamli islohotlar, mamlakatda faoliyat ko‘rsatayotgan xorijiy OTMlar bilan yaqindan tanishdi.
Izoh (0)