SpaceX kompaniyasi asoschisi Ilon Mask Marsdagi Alfa bazasi namunasining suratini e’lon qildi. Bazaning yaratilishi uzoq kelajakka rejalashtirilmoqda. Suratlardan birida havoga ko‘tarilayotgan BFR (Big Falcon Rocket) raketasi ham aks etgan. Suratlar Maskning Twitter’dagi sahifasida paydo bo‘lgan, deb yozmoqda “Korrespondent.net”.
Marsga 2019-yilda raketa uchirish rejalari haqida Ilon Mask joriy yilning boshida ma’lum qilgan.
Agar sinov muvaffaqiyatli o‘tsa, o‘ta og‘ir raketa keyinchalik Qizil sayyoraga odamlar va qurilmalarni olib chiqishda foydalaniladi. Dastlabki taxminlarga ko‘ra, birinchi parvoz 2022-yilda amalga oshirilishi mumkin.
Izoh (0)