23-sentabr, yakshanba kuni Ispaniya La Ligasining 5-turidan o‘rin olgan 4 ta uchrashuv bo‘lib o‘tdi.
Jumladan, “Sevilya” jamoasi safarda “Levante” mehmoni bo‘lib, 2:6 hisobidagi g‘alabani qo‘lga kiritdi. “Vilyarreal” esa o‘z uyida “Valensiya” bilan 0:0 hisobida durang o‘ynadi. “Betis” esa “Atletik B”ni qabul qilib, 2:2 hisobida durang qayd etdi.
Musobaqa jadvalida peshqadamlik qilayotgan “Barselona” o‘z maydonida “Jirona”ni qabul qildi. Bahsning 19-daqiqasida Leo Messi hisobni ochdi. 35-daqiqada mezbonlar himoyachisi Kleman Langle raqibini tirsak bilan urgani uchun maydondan chetlatildi. Bundan unumli foydalangan “Jirona” 45- hamda 51-daqiqada gol urib, hisobda oldinga chiqib oldi. Ikkala golga ham Kristian Stuani mualliflik qildi. 63-daqiqada Jerar Pike muvozanatni tikladi. Shu hisob o‘yin oxirigacha o‘zgarmay qoldi.
Beshinchi turdan keyin “Barselona” hamda “Real” 13 ochkodan jamg‘arib musobaqa jadvalida karvonboshilik qilmoqda.
La Liga
5-tur bellashuvlari
23-sentabr, yakshanba
Izoh (0)