23 сентябрь, якшанба куни Испания Ла Лигасининг 5-туридан ўрин олган 4 та учрашув бўлиб ўтди.
Жумладан, «Севилья» жамоаси сафарда «Леванте» меҳмони бўлиб, 2:6 ҳисобидаги ғалабани қўлга киритди. «Вильярреал» эса ўз уйида «Валенсия» билан 0:0 ҳисобида дуранг ўйнади. «Бетис» эса «Атлетик Б»ни қабул қилиб, 2:2 ҳисобида дуранг қайд этди.
Мусобақа жадвалида пешқадамлик қилаётган «Барселона» ўз майдонида «Жирона»ни қабул қилди. Баҳснинг 19-дақиқасида Лео Месси ҳисобни очди. 35-дақиқада мезбонлар ҳимоячиси Клеман Лангле рақибини тирсак билан ургани учун майдондан четлатилди. Бундан унумли фойдаланган «Жирона» 45- ҳамда 51-дақиқада гол уриб, ҳисобда олдинга чиқиб олди. Иккала голга ҳам Кристиан Стуани муаллифлик қилди. 63-дақиқада Жерар Пике мувозанатни тиклади. Шу ҳисоб ўйин охиригача ўзгармай қолди.
Бешинчи турдан кейин «Барселона» ҳамда «Реал» 13 очкодан жамғариб мусобақа жадвалида карвонбошилик қилмоқда.
Ла Лига
5-тур беллашувлари
23 сентябрь, якшанба
Изоҳ (0)