Android смартфонлари авлодининг биринчи вакили бўлган HTC Dream смартфони 10 ёшга тўлди. Қурилма 2008 йил 23 сентябрда тақдим этилган эди, деб ёзмоқда «Корреспондент.net».
Америкада смартфон T-Mobile G1 номи остида чиққан. Нашр қурилманинг тақдимоти акс этган видеога ҳам эътибор қаратди.
HTC Dream Android операцион тизимида ишлаган, слайдер қурилмасига эга бўлган. Алоҳида клавиатура сабабли қурилманинг қалинлиги 17 миллиметрга тенг бўлган. Смартфоннинг экрани эса сенсорли бўлган.
T-Mobile G1 смартфони Qualcomm МСМ7201А процессорида ягона ядрога эга бўлган. Қурилманинг оператив хотираси 192 мегабайтга тенг, камераси эса уч мегапикселли бўлган. Қурилма ҳажми 16 гигабайтдан катта хотира картасини қабул қила олмаган.
Биринчи Android смартфонининг рекордларидан бири АҚШ бозорининг олти фоизини эгаллагани бўлган.
Изоҳ (0)