Farg‘ona viloyatining Oltiariq tumani hududidan o‘tgan “Navbahor—Uch uy—Oltiariq—Vodil” avtomagistralida 22-sentabr kuni 6:00 atrofida 3 ta avtomobil ishtirokida YTH sodir bo‘ldi. Bu haqda FVV matbuot xizmati ma’lum qildi.
Lacetti haydovchisi boshqaruvni yo‘qotib, qarama-qarshi yo‘nalishga chiqib ketishi oqibatida “VAZ-2106” va boshqa bir Lacetti bilan to‘qnashdi. “VAZ-2106” va ikkinchi Lacetti yo‘l chetidagi ariqqa qulab tushib ketdi, Lacetti yonib ketgan.
YTH oqibatida 3 kishi halok bo‘ldi, 3 kishi turli darajadagi tan jarohatini oldi.
Jarohatlanganlar Oltiariq tumani tibbiyot birlashmasining jonlantirish bo‘limiga yotqizildi.
Hodisa yuzasidan dastlabki tergovoldi tekshiruv ishlari olib borilmoqda.
Izoh (0)