Ichki ishlar vazirligi Faxriylar kengashi raisi, iste’fodagi general-mayor G‘ofur Rahimov 19-sentyabr kuni 89 yoshida olamdan o‘tdi. Bu haqda IIV jamoatchilik va OAV bilan aloqalar boshqarmasi xabar berdi.
Ichki ishlar organlarida 1949-yildan xizmat faoliyatini boshlagan G‘ofur Rahimov nafaqat tezkor xizmatning malakali, kuchli xodimi, balki jamoat arbobi sifatida ham xalqqa tanildi.
U xizmat davomida, xususan, Andijon, Buxoro viloyatlari IIB boshlig‘i, Ichki ishlar vazirining o‘rinbosari bo‘lib ishlagan vaqtlarida ko‘plab shogirdlar tayyorladi.
Bugungi kunda ular respublika ichki ishlar organlarining turli sohalarida, rahbarlik lavozimlarida xizmat qilib kelmoqda.
Izoh (0)