Фарғона вилоятининг Олтиариқ тумани ҳудудидан ўтган «Навбаҳор—Уч уй—Олтиариқ—Водил» автомагистралида 22 сентябрь куни 6:00 атрофида 3 та автомобиль иштирокида ЙТҲ содир бўлди. Бу ҳақда ФВВ матбуот хизмати маълум қилди.
Lacetti ҳайдовчиси бошқарувни йўқотиб, қарама-қарши йўналишга чиқиб кетиши оқибатида «ВАЗ-2106» ва бошқа бир Lacetti билан тўқнашди. «ВАЗ-2106» ва иккинчи Lacetti йўл четидаги ариққа қулаб тушиб кетди, Lacetti ёниб кетган.
ЙТҲ оқибатида 3 киши ҳалок бўлди, 3 киши турли даражадаги тан жароҳатини олди.
Жароҳатланганлар Олтиариқ тумани тиббиёт бирлашмасининг жонлантириш бўлимига ётқизилди.
Ҳодиса юзасидан дастлабки терговолди текширув ишлари олиб борилмоқда.
Изоҳ (0)