O‘zbekistondagi 9 ta OTMga qo‘shma ta’lim dasturlari asosida kadrlar tayyorlash uchun qo‘shimcha kvotalar berildi

Respublikadagi 9 ta oliy ta’lim muassasasiga xorijiy OTMlar bilan qo‘shma ta’lim dasturlari asosida kadrlar tayyorlash uchun qo‘shimcha kvotalar berildi. Bu haqda Oliy va o‘rta maxsus ta’lim vazirligi ma’lum qildi.

O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasining 2018-yilda 17-sentabrdagi 9-sonli bayoni bilan 9 ta oliy ta’lim muassasasiga 2018/2019-o‘quv yili uchun qabuli uchun xorijiy oliy ta’lim muassasalari bilan qo‘shma ta’lim dasturlari asosida bakalavr va magistrlar tayyorlash bo‘yicha to‘lov-kontrakt asosida qo‘shimcha qabul kvotalari tasdiqlandi.

Bular:

Toshkent davlat texnika universiteti – 75 ta (bakalavriat);

Toshkent davlat stomatologiya instituti – 60 ta (bakalavriat);

Toshkent kimyo-texnologiya instituti – 20 ta (magistratura);

Toshkent davlat o‘zbek tili va adabiyoti universiteti – 10 ta (magistratura);

Toshkent to‘qimachilik va yengil sanoat instituti – 25 ta (bakalavriat);

Milliy rassomlik va dizayn instituti – 20 ta (bakalavriat);

Namangan muhandislik-texnologiya instituti – 60 ta (bakalavriat);

Namangan muhandislik-qurilish instituti – 60 ta (bakalavriat);

Andijon mashinasozlik instituti – 90 ta (bakalavriat – 80 ta, magistratura – 10 ta).

Qo‘shma ta’lim dasturlari asosida bakalavriat va magistraturaga abituriyentlardan hujjatlar 2018-yil 25-sentabrgacha qabul qilinadi.

Kirish imtihonlari oliy ta’lim muassasalari tomonidan 2018 yil 28—30-sentabr kunlari o‘tkaziladi.

O‘qishga tavsiya etilgan abituriyentlar uchun o‘qish istisno tariqasida 2018-yilning 2-oktabridan boshlanadi.

Kirish sinovlari natijasi bo‘yicha to‘lov-kontrakt asosida qo‘shma ta’lim dasturlarida o‘qish istagini bildirgan abituriyentlarga to‘lov-kontrakt shartlarini bajarishning oxirgi muddati 2018- yil 31-oktabr etib belgilandi.