“Agrobank“ ATB tomonidan chakana xizmatlarni rivojlantirish borasida olib borilayotgan ishlarga bag‘ishlab o‘tkazilgan anjumanda shu haqda so‘z yuritildi. Bu haqda “Xalq so‘zi“ xabar bermoqda.
Bank boshqaruvi raisi vazifasini bajaruvchi Rustam Mamatqulovning aytishicha, hozirgi paytda “Agrobank“ tomonidan joylashtirilgan terminalar soni 31,6 ming, bankomatlar 100, infokiosklar esa 420 taga yetkazildi. Aholi gavjum joylarga zamonaviy bankomatlar o‘rnatish bo‘yicha olib borilgan o‘rganishlar natijasida respublika bo‘yicha ikki mingdan ortiq shunday nuqtalar aniqlandi. Shundan kelib chiqib, joriy yilning noyabrigacha yana 300 ta zamonaviy bankomat olib kelib o‘rnatiladi. Keyingi yillarda esa yana 2 mingta bankomat olib kelish rejalashtirilgan.
Mutaxassislarning aytishicha, mazkur qurilmalarnig turdoshlariga nisbatan afzalliklari ko‘p. Masalan, ular orqali nafaqat milliy, balki xorijiy valyutani ham naqdlashtirib olish mumkin.
Bank tomonidan yaqin kunlarda jismoniy shaxslar uchun onlayn mikroqarzlar olish imkoniyati ham yaratiladi. Bunday mikroqarz olmoqchi bo‘lganlar bankka tashrif buyurishi, hujjatlar taqdim etishi shart emas. Telefon orqali murojaat qilsa, kifoya.
Izoh (0)