Nigeriyada yirik ko‘lamdagi suv toshqinlari oqibatida oxirgi kunlar davomida yuzdan ortiq odam halok bo‘ldi. Davomli yomg‘irlardan so‘ng mamlakatning ikki yirik daryosi — Niger va Benue qirg‘oqlaridan toshib ketdi. Bu haqda 17-sentabr kuni mamlakat tabiiy ofatlar oqibatlariga qarshi kurashish milliy boshqarmasi ma’lum qildi, deb yozadi “Korrespondent.net”.
Jumladan, qishloq tumanlarida ekinlar, turar-joylar, avtomobil yo‘llarini suv bosganligi ta’kidlanmoqda. Nigeriya markazi va janubida minglab odam o‘z uylarini tark etishga majbur bo‘lmoqda.
Eng og‘ir vaziyat Niger shtatida yuzaga kelgan. U yerda tabiiy ofat 40 kishini hayotdan olib ketdi. Suv toshqini Nigeriyaning jami 12 shtatiga daxl qildi.
Izoh (0)