O‘zbekistonda ilk bor “Markaziy Osiyo xalqaro transport yo‘laklari tizimida: strategik istiqbollar va foydalanilmagan imkoniyatlar” mavzusida birinchi xalqaro transport konferensiyasi o‘tkaziladi. Bu haqda Matbuot va axborot agentligi xabar bermoqda.
“O‘zbekiston havo yo‘llari” milliy aviakompaniyasi ko‘rsatilayotgan xizmatlar sifatini yanada yaxshilash borasida aviatsiya sohasidagi turli xalqaro tashkilot va kompaniyalar bilan faol hamkorlik qilish siyosatini ilgari surmoqda. Ushbu siyosat doirasida koferensiyada o‘tkaziladigan “Markaziy Osiyoda havo transportini rivojlantirishning dolzarb masalalari” mavzusidagi sho‘’ba yig‘ilish davomida xalqaro ekspertlar bilan aviatsiya xizmatlarining o‘zaro hamkorligini muhokama qilish va yo‘lga qo‘yish rejalashtirilmoqda.Shuningdek, Milliy aviakompaniya va IATA Xalqaro havo transporti assotsiyatsiyasining hamkorlikdagi harakatlar rejasi imzolanishi kutilmoqda. Mazkur rejaga Toshkent shahri aeroportida yo‘lovchilarga xizmat ko‘rsatishda zamonaviy standart va texnologiyalarni joriy etish, “Navoiy” xalqaro intermodal logistika markazi orqali yuk tashuvlarini rivojlantirish va havo kengligini muqobillashtirish kabi tadbirlar kiritiladi.Ko‘rilgan choralar va ishga solingan imkoniyatlar “O‘zbekiston havo yo‘llari” milliy aviakompaniyasi tomonidan sho‘’ba yig‘ilishida ilgari suriladigan “Chegara bilmas Markaziy Osiyo” g‘oyasini oqlashi va barcha sarhadlarni zabt etish imkonini berishi kutilmoqda.
Izoh (0)