Ўзбекистонда илк бор «Марказий Осиё халқаро транспорт йўлаклари тизимида: стратегик истиқболлар ва фойдаланилмаган имкониятлар» мавзусида биринчи халқаро транспорт конференцияси ўтказилади. Бу ҳақда Матбуот ва ахборот агентлиги хабар бермоқда.
«Ўзбекистон ҳаво йўллари» миллий авиакомпанияси кўрсатилаётган хизматлар сифатини янада яхшилаш борасида авиация соҳасидаги турли халқаро ташкилот ва компаниялар билан фаол ҳамкорлик қилиш сиёсатини илгари сурмоқда. Ушбу сиёсат доирасида коференсияда ўтказиладиган «Марказий Осиёда ҳаво транспортини ривожлантиришнинг долзарб масалалари» мавзусидаги шўъба йиғилиш давомида халқаро экспертлар билан авиация хизматларининг ўзаро ҳамкорлигини муҳокама қилиш ва йўлга қўйиш режалаштирилмоқда.Шунингдек, Миллий авиакомпания ва ИATA Халқаро ҳаво транспорти ассоцияциясининг ҳамкорликдаги ҳаракатлар режаси имзоланиши кутилмоқда. Мазкур режага Тошкент шаҳри аэропортида йўловчиларга хизмат кўрсатишда замонавий стандарт ва технологияларни жорий этиш, «Навоий» халқаро интермодал логистика маркази орқали юк ташувларини ривожлантириш ва ҳаво кенглигини муқобиллаштириш каби тадбирлар киритилади.Кўрилган чоралар ва ишга солинган имкониятлар «Ўзбекистон ҳаво йўллари» миллий авиакомпанияси томонидан шў’ба йиғилишида илгари суриладиган «Чегара билмас Марказий Осиё» ғоясини оқлаши ва барча сарҳадларни забт этиш имконини бериши кутилмоқда.
Изоҳ (0)