AQShning “Los-Anjeles Gelaksi” futbol klubi hujumchisi Zlatan Ibrohimovich faoliyatidagi 500-golni urdi. U yubiley golni “Toronto”ga qarshi o‘yinda urdi — uni shunchaki emas, balki havoda uchib turib, darvozaga qaramay, to‘pga bir teginishda urdi.
Ushbu golgacha Ibrohimovichning jamoasi 0:3 hisobida mag‘lubiyatga uchrayotgan edi, oxir-oqibat baribir 3:5 hisobida imkoniyatni boy berdi.
O‘zini maqtashni kanda qilmaydigan futbolchi o‘yindan so‘ng Twitter‘dagi sahifasida yangi surat e’lon qildi. Unda Ibrohimovichni qo‘lida futbol to‘pi ko‘rinishidagi skipetrni tutgan holda ko‘rish mumkin, surat ostiga esa: “Gollar xudosi”, deb yozilgan.
500 pic.twitter.com/EObuJwoaMA
— Zlatan Ibrahimović (@Ibra_official) September 16, 2018
Ibrohimovich — faoliyatini davom ettirayotgan futbolchilar orasida 500 ta gol urgan uchinchi futbolchidir. Bungacha faqat Krishtianu Ronaldu va Lionel Messi shunday natijaga erishishga muvaffaq bo‘lgan.
Izoh (0)