Bugun, 15-sentabr sanasida Angliya premyer-ligasining beshinchi tur bahslariga start berildi.
Tur doirasida bugunning o‘zida 7 ta uchrashuv bo‘lib o‘tishi belgilangandi. Jumladan, turning markaziy o‘yini “Tottenhem” hamda “Liverpul” jamoalari o‘rtasida kechdi. Bellashuv mehmonlar 1:2 hisobida g‘alaba qozondi. Klopp shogirdlaridan Jorjinyo Veynaldum va Roberto Firmino o‘z nomini tabloga yozdirib qo‘ygan bo‘lsa, “shporlar”ning javob goli Erik Lamela hisobiga yozildi.
Shuningdek, hozircha yo‘qotishsizlarsiz odimlayotgan “Chelsi” o‘z uyida “Kardiff Siti”ni imtihondan o‘tkazdi. Bahs 4:1 hisobida Mauritsio Sarri shogirdlari foydasiga hal bo‘ldi. Mezbonlar safida Eden Azar xet-trikka erishgan bo‘lsa, Villian ham o‘z hisobiga bitta gol yozib qo‘yishga erishdi. “Kardiff”ning yagona goli Bamba tomonidan kiritildi.
“Manchester Siti” esa o‘z maydonida “Fulhem”ni sinovdan o‘tkazib, 3:0 hisobidagi g‘alabani tantana qildi. Gollarga Leroy Sane, David Silva va Raxim Sterling mualliflik qildi.
“Arsenal” esa “Nyukasl” maydoniga safar qilib, Granit Jaka hamda Mesut O‘zilning gollari sabab 2:1 hisobidagi g‘alabaga erishdi.
Angliya premer-ligasi
15-tur bellashuvlari
15-sentabr, shanba
Izoh (0)