Bugun, 15-sentabr sanasida Angliya premyer-ligasining beshinchi tur bahslariga start berildi.
Premyer-liganing dastlabki 4 turida ketma-ket g‘alabalarni qo‘lga kiritgan “Uotford” o‘z uyida mavsumni omadsiz boshlagan Joze Mourinyo boshliq “Manchester Yunayated”ni qabul qildi. Uchrashuvda hisob 35-daqiqada Romelu Lukaku tomonidan ochildi. Oradan 3 daqiqa o‘tib Kris Smolling gol urgan holda jamoasining 2:0 hisobida oldinga o‘tib olishini ta’minladi. Ikkinchi bo‘limning 65-daqiqasida Andre Grey “Uotford”ning o‘yindagi yagona javob golini kiritdi. Shu tariqa Joze Mourinyo shogirdlari musobaqa peshqadamlaridan birini mag‘lub etdi.
Angliya premyer-ligasi
5-tur bellashuvlari
15-sentabr, shanba
“Uotford”—“Manchester Yunayted” 1:2
Gollar: 0:1 – 35 Lukaku, 0:2 – 38 Smolling, 1:2 – 65 Grey.“Uotford”: Foster, Ketkart (Saksess, 88), Xolebas (Mazina, 84), Yanmat (Femeniya, 72), Kabasele, Xyuz, Dukure, Kapu, Pereyra, Dini, Grey.
“Manchester Yunayted”: De Xea, Smolling, Yang, Valensiya (Bayi, 90), Lindelef, Matich, Fellayni, Lingard (Marsyal, 71), Pogba, Sanches (Maktomini, 84), Lukaku.
Ogohlantirishlar: Kapu (34), Xolebas (36), Matich (70), Valensiya (81).
Chetlatish: Matich (90).
Izoh (0)