20—21-sentabrda Toshkentda Osiyo-Tinch okeani mintaqasi yuqori daraja domenlar uyushmasining (Asia Pacific Top Level Domain) 20 yillik yubiley sammiti bo‘lib o‘tadi.
APTLD Internet tarmog‘ini rivojlantirishni muvofiqlashtiruvchi murakkab mintaqaviy va global tizimga ega bo‘lgan asosiy tashkilotlardan biridir hamda texnologik va operatsion masalalar bo‘yicha tajriba almashish platformasi hisoblanadi. Shuningdek, APTLD domen nomlarini boshqarish bo‘yicha xalqaro tamoyillarni ishlab chiqishda faol ishtirok etmoqda. Tashkilot 1998-yilda tashkil topgan, 2003-yilda esa Malayziyada bosh shtabga ega bo‘ldi.
O‘zbekiston 2017-yil sentabr oyida UZ hududida domen nomlarini ro‘yxatga olishni muvofiqlashtiruvchi tashkiloti Uzinfocom kompaniyasi vakilligida APTLDga a’zo bo‘ldi. Olimpiya o‘yinlarida bo‘lgani kabi, Uyushma a’zolari ham sammitni o‘tkazish huquqini qo‘lga kiritish uchun kurashadi, buning uchun taqdimotlar tayyorlaydi va Assotsiatsiya Kengashining qo‘llab-quvvatlashlarini qo‘lga kiritishga harakat qiladi.
Sammitda Global tarmoqning yangi parametrlari va protokollarini ishlab chiqishda va amalga oshirishda bevosita ishtirok etuvchi jahon miqyosidagi obro‘-e’tiborga ega internet mutaxassislari ishtirok etadi.
“Toshkentdagi Sammitda 40 dan ortiq OTX, Yevropa, Shimoliy va Janubiy Amerikadan kelgan davlatlarning vakillari ishtirok etadilar. Bu keng ko‘lamli tadbir bo‘lib uning asosiy maqsadi ishtirokchi davlat, internet-biznes xususan domen sanoatining vakillarini Global tarmog‘ning unikal identifikator tizimining asosiy trendlar, chaqiriq va yangi imkoniyatlari, shuningdek, Internetda yangi xavfsizlik texnologiyalari va boshqa mamlakatlarda Internet rivojlanishi tajribasi bilan tanishtirishdir. Biz bu yil O‘zbekiston sammitga mezbonlik qilayotganidan mamnunmiz, bizning ko‘plab ishtirokchilar o‘zlari uchun ushbu ko‘hna tarix va ulkan istiqbolga ega zaminni kashf etadi. APTLD o‘zining 20 yoshini aynan Toshkentda nisholayotgani – qabul qiluvchi davlatga bildirilgan katta ishonch belgisi va albatta sharq ertagiga g‘arq bo‘lish istagidir.
Axborot texnologiyalari va kommunikatsiyalarni rivojlantirish vazirining ma’ruzasidan O‘zbekiston Hukumati Internet tarmog‘ini rivojlantirishga qanchalik katta ahamiyat berayotganiga amin bo‘ldik, va sa’y-harakatlar muvafaqqiyatga olib borishiga umid qilamiz. UZ makonida domenlarni ro‘yxatga olishda ulkan sakrash sodir bo‘lganiga va butun mamlakat bo‘ylab internet-texnologiyalarini rivojlanganiga bevosita guvoh bo‘ldik, ushbu jarayonlarga aloqador ekanligimizni his etish yoqimli”, – deb izohlaydi APTLD’ning ijrochi direktori Leonid Todorov.
APTLD konferensiyasi doirasida ekspertlar tomonidan bir qator master-klass, trening va press-konferensiyalar o‘tkaziladi.
Izoh (0)