20—21 сентябрда Тошкентда Осиё-Тинч океани минтақаси юқори даража доменлар уюшмасининг (Asia Pacific Top Level Domain) 20 йиллик юбилей саммити бўлиб ўтади.
APTLD Интернет тармоғини ривожлантиришни мувофиқлаштирувчи мураккаб минтақавий ва глобал тизимга эга бўлган асосий ташкилотлардан биридир ҳамда технологик ва операцион масалалар бўйича тажриба алмашиш платформаси ҳисобланади. Шунингдек, APTLD домен номларини бошқариш бўйича халқаро тамойилларни ишлаб чиқишда фаол иштирок этмоқда. Ташкилот 1998 йилда ташкил топган, 2003 йилда эса Малайзияда бош штабга эга бўлди.
Ўзбекистон 2017 йил сентябрь ойида UZ ҳудудида домен номларини рўйхатга олишни мувофиқлаштирувчи ташкилоти Uzinfocom компанияси вакиллигида APTLDга аъзо бўлди. Олимпия ўйинларида бўлгани каби, Уюшма аъзолари ҳам саммитни ўтказиш ҳуқуқини қўлга киритиш учун курашади, бунинг учун тақдимотлар тайёрлайди ва Ассоциация Кенгашининг қўллаб-қувватлашларини қўлга киритишга ҳаракат қилади.
Саммитда Глобал тармоқнинг янги параметрлари ва протоколларини ишлаб чиқишда ва амалга оширишда бевосита иштирок этувчи жаҳон миқёсидаги обрў-эътиборга эга интернет мутахассислари иштирок этади.
«Тошкентдаги Саммитда 40 дан ортиқ ОТХ, Европа, Шимолий ва Жанубий Америкадан келган давлатларнинг вакиллари иштирок этадилар. Бу кенг кўламли тадбир бўлиб унинг асосий мақсади иштирокчи давлат, интернет-бизнес хусусан домен саноатининг вакилларини Глобал тармоғнинг уникал идентификатор тизимининг асосий трендлар, чақириқ ва янги имкониятлари, шунингдек, Интернетда янги хавфсизлик технологиялари ва бошқа мамлакатларда Интернет ривожланиши тажрибаси билан таништиришдир. Биз бу йил Ўзбекистон саммитга мезбонлик қилаётганидан мамнунмиз, бизнинг кўплаб иштирокчилар ўзлари учун ушбу кўҳна тарих ва улкан истиқболга эга заминни кашф этади. APTLD ўзининг 20 ёшини айнан Тошкентда нишолаётгани – қабул қилувчи давлатга билдирилган катта ишонч белгиси ва албатта шарқ эртагига ғарқ бўлиш истагидир.
Ахборот технологиялари ва коммуникацияларни ривожлантириш вазирининг маърузасидан Ўзбекистон Ҳукумати Интернет тармоғини ривожлантиришга қанчалик катта аҳамият бераётганига амин бўлдик, ва саъй-ҳаракатлар мувафаққиятга олиб боришига умид қиламиз. UZ маконида доменларни рўйхатга олишда улкан сакраш содир бўлганига ва бутун мамлакат бўйлаб интернет-технологияларини ривожланганига бевосита гувоҳ бўлдик, ушбу жараёнларга алоқадор эканлигимизни ҳис этиш ёқимли», – деб изоҳлайди APTLD’нинг ижрочи директори Леонид Тодоров.
APTLD конференцияси доирасида экспертлар томонидан бир қатор мастер-класс, тренинг ва пресс-конференциялар ўтказилади.
Изоҳ (0)