Toshkentda elektropoyezd 52 yashar ayolni urib yubordi. Bu haqda Bosh prokuratura matbuot xizmati xabar bermoqda.
“2018-yil 13-sentabr kuni soat 08:00 larda Toshkent shahri, Mirzo Ulug‘bek tumani, Bog‘ishamol ko‘chasi, “Salar—Yalong‘och” bekatlari oralig‘ining 4-kilometr 9-piketida “Toshkent—Hojikent” yo‘nalishi bo‘yicha harakatlanib kelayotgan 6429-sonli elektropoyezd qulog‘ida quloqchini bo‘lgan holda temir yo‘lni kesib o‘tayotgan L.ni (1966-yilda tug‘ilgan ayol) urib yuborgan. U olgan tan jarohatlari natijasida hodisa joyida vafot etgan”, — deyiladi xabarda.
Mazkur holat yuzasidan Toshkent transport prokuraturasi tomonidan tergovga qadar tekshiruv harakatlari olib borilmoqda.
Izoh (0)