Bitiruvchilarning ishga joylashishi bo‘yicha dunyo reytingi e’lon qilindi. Unga O‘zbekiston oliy o‘quv yurtlari kirmadi

Britaniyaning Quacquarelli Symonds kompaniyasi dunyo oliy o‘quv yurtlarining bitiruvchilarni ishga joylashishi bo‘yicha reytingini e’lon qildi. Bu haqda Spot xabar bermoqda.

Mazkur reytingda peshqadamlikni ilk bor Massachusets texnologiya instituti egalladi. Oldingi yillarda yetakchilik qilib kelgan Stenford universiteti Kaliforniya universiteti bilan ikkinchi o‘rinni bo‘lishib oldi.

Birinchi o‘nlikka, shuningdek, Garvard (AQSh), Sidney (Avstraliya), Melburn (Avstraliya), Kembrij (Buyuk Britaniya), Berklidagi Kaliforniya (AQSh), Sinxua (Xitoy) va Oksford universitetlari (Buyuk Britaniya) kirdi.

Markaziy Osiyodan ushbu reytingdan atigi bitta oliy o‘quv yurti — al-Forobiy nomli Qozog‘iston milliy universiteti o‘rin oldi (251—300-o‘rinlar). MDH davlatlari orasida eng yaxshi ko‘rsatkich Rossiyada — 11 ta o‘quv yurti.