Checheniston rahbari Ramzan Qodirov Mustaqillik bayrami munosabati bilan Prezident Shavkat Mirziyoyev va o‘zbekistonliklarni qutladi.
“Bugun birodar O‘zbekistonda katta bayram! Mamlakat Mustaqillik kunini nishonlamoqda. Garchi ushbu sana taqvimga o‘ttiz yilcha avval kiritilgan bo‘lsa ham, O‘zbekiston xalqlari jahon sivilizatsiyasiga — fan, madaniyat, san’at, tibbiyotga munosib hissa qo‘shgan qadim davlat hisoblanadi.
O‘zbekiston hududida dunyo ahamiyatiga ega me’moriy va madaniy yodgorliklar joylashgan. Xususan, islom dini va uning buyuk namoyandalari bilan bog‘liq obyektlar saqlanib qolgan”, — deyiladi Ramzan Qodirovning Facebook’dagi sahifasida joylashtirilgan tabrikda.
Checheniston rahbari o‘z qutlovida O‘zbekistonga safari bilan bog‘liq xotiralari, shuningdek, o‘zbek xalqi va uning yetakchisiga tilaklarini keltirib o‘tgan.
“O‘zbekistonga yaqinda amalga oshirgan tashrifim, Prezident Shavkat Mirziyoyev bilan samarali suhbat, shuningdek, vazirlar, hokimlar, madaniyat arboblari bilan muloqotlar, mehnat jamoalariga borganimni mamnuniyat bilan xotirlayman. O‘zbekiston tobora yuksalayotgani, iqtisodiyot va ijtimoiy soha jadal sur’atlar bilan rivojlantirib borayotgani kishini xursand qiladi.
O‘zbek xalqi uchun ardoqli kunda Shavkat Miromonovich va mamlakatning barcha fuqarolarini bayram bilan samimiy tabriklayman. Tinchlik, barqarorlik va farovonlik tilayman!”
Izoh (0)