Bugun, 31-avgust sanasida Indoneziyaning Jakarta hamda Palembang shaharlarida XVIII yozgi Osiyo o‘yinlarining 13-kuni bo‘lib o‘tmoqda.
Boks bo‘yicha -49 kg vazn toifasida O‘zbekiston sharafini himoya qilayotgan Hasanboy Do‘stmatov Osiyo o‘yinlarining yarim final jangida ishtirok etdi. Unga bu bosqichda xitoylik Zhonglin Vu raqiblik qildi. Hasanboy raqibi ustidan mutlaq 5:0 hisobida g‘alaba qozonib, final yo‘llanmasiga ega chiqdi.
Eslatib o‘tamiz, biroz avval -52 kg, 60 kg va -69 kg vazn toifalaridagi Jasurbek Latipov, Shunqor Abdurasulov hamda Bobusmon Boturov yarim final janglarini o‘tkazib, final yo‘llanmasini qo‘lga kiritgandi.
Shuningdek, bugun yana 3 nafar o‘zbekistonlik bokschi final yo‘llanmasi uchun ringga chiqadi.
- -56kg: Miraziz Mirzahalilov—Sunan Amoragam. Vaqti: 16:45
- -64kg: Iqboljon Xoldorov—Daysuke Narimatsu. Vaqti: 17:00
- -75kg: Isroil Madrimov—Feliks Marsyal. Vaqti: 17:45
Izoh (0)