Бугун, 31 август санасида Индонезиянинг Жакарта ҳамда Палембанг шаҳарларида XVIII ёзги Осиё ўйинларининг 13-куни бўлиб ўтмоқда.
Бокс бўйича -49 кг вазн тоифасида Ўзбекистон шарафини ҳимоя қилаётган Ҳасанбой Дўстматов Осиё ўйинларининг ярим финал жангида иштирок этди. Унга бу босқичда хитойлик Зҳонглин Ву рақиблик қилди. Ҳасанбой рақиби устидан мутлақ 5:0 ҳисобида ғалаба қозониб, финал йўлланмасига эга чиқди.
Эслатиб ўтамиз, бироз аввал -52 кг, 60 кг ва -69 кг вазн тоифаларидаги Жасурбек Латипов, Шунқор Абдурасулов ҳамда Бобусмон Ботуров ярим финал жангларини ўтказиб, финал йўлланмасини қўлга киритганди.
Шунингдек, бугун яна 3 нафар ўзбекистонлик боксчи финал йўлланмаси учун рингга чиқади.
- -56кг: Миразиз Мирзаҳалилов—Сунан Аморагам. Вақти: 16:45
- -64кг: Иқболжон Холдоров—Дайсуке Наримацу. Вақти: 17:00
- -75кг: Исроил Мадримов—Феликс Марсял. Вақти: 17:45
Изоҳ (0)