Bugun, 31-avgust sanasida Indoneziyaning Jakarta hamda Palembang shaharlarida XVIII yozgi Osiyo o‘yinlarining 13-kuni bo‘lib o‘tmoqda.
Boks bo‘yicha -60 kg vazn toifasida O‘zbekiston sharafini himoya qilayotgan Shunqor Abdurasulov Osiyo o‘yinlarining yarim final jangida ishtirok etdi. Unga bu bosqichda tailandlik Rujakran Juntrong raqiblik qildi. Shunqor raqibi ustidan 5:0 hisobida g‘alaba qozonib, final yo‘llanmasiga ega chiqdi.
Eslatib o‘tamiz, biroz avval -52 kg vazn toifasiga yarim final jangida qatnashgan Jasurbek Latipov qirg‘izistonlik raqibini mag‘lub etib final yo‘llanmasini qo‘lga kiritgandi.
Shuningdek, bugun yana 5 nafar o‘zbekistonlik bokschi final yo‘llanmasi uchun ringga chiqadi.
- -69kg: Bobousmon Baturov—Saylom Arde. Vaqti: 13:15
- -49kg: Hasanboy Do‘smatov—Zhonglin Vu. Vaqti: 16:00
- -56kg: Miraziz Mirzahalilov—Sunan Amoragam. Vaqti: 16:45
- -64kg: Iqboljon Xoldorov—Daysuke Narimatsu. Vaqti: 17:00
- -75kg: Isroil Madrimov—Feliks Marsyal. Vaqti: 17:45
Izoh (0)