Surxondaryoda sirtqi ta’lim uchun test sinovlarida abituriyentlarning shaxsini aniqlash uchun maxsus qurilmadan foydalanildi

Surxondaryo viloyatidagi Oliy ta’lim muassasalarida sirtqi ta’lim yo‘nalishiga kirish uchun test sinovlari bo‘lib o‘tdi. Bu haqda Surxondaryo viloyat IIB matbuot xizmati xabar berdi.

Test sinovlari tartib qoidalari buzilishining oldini olish, abituriyentlar tomonidan hududga kirish joyida uyali qo‘l telefon, elektron eshitish moslamalari, shpargalkalar olib kirishi hamda abituriyentlarning o‘rniga soxta “abituriyent”(shaxs)lar kirishining oldini olish, test sinovlari o‘tkazilishida shaffoflikni ta’minlash maqsadida, Surxondaryo viloyati IIB hamda Milliy gvardiya xodimlari hamkorlik qilishgan.

Viloyat IIB Migratsiya va fuqarolikni rasmiylashtirish boshqarmasi tomonidan o‘rnatilgan va markazlashtirilgan maxsus qurilma yordamida shubha uyg‘otgan shaxslarning “qo‘l barmoq izlari”ni olish bilan shaxsiga oydinlik kiritilib, bunday uddaburonlar fosh etilgan va shu joyning o‘zida tegishli hujjatlar rasmiylashtirilib test sinovlaridan chetlatilgan.